MavisBenny on Xanga

Weblog

Thursday, 26 January 2012

2011大事回顧

過去2011年,真係喜事重重.
接二連三都有喜事.
首先就係有中學同學結婚.

老虎 & 玲玲

關子 & ERICA

JESSICA & 順
(由於呢PAIR既新娘子係我好朋友,而新郎又係我中學同學,
所以要做埋姊妹)

最閉係一向最怕講野既我,
竟然要上台介紹下新娘,
無叉喇..唯有扮鎮定...^^

我地成家族都有去...好熱鬧

仲有就我當然唔少得係我地羅家娶新袍啦...

我小弟&香香..

isaac仔都著哂踢死兔出席架...

另外,仲有好多baby出世..

kimmy & joker 女女
(bebe (小珠女)

小砂之子..(小葉子)

karen 女女

chris女女

isaac仔將會有好多朋友仔喇...
今年2012年..唔知會有幾多龍bb &龍新娘/新郎呢??

Monday, 23 January 2012

今日大年初一,祝大家龍年行大運,最緊要身體健康.
今年ISAAC仔終於自己收利是.仲好開心.
見到人派利是比佢.就係咁拎.拎完又拎,
唔執輸果隻.真係比佢笑死.
唔再係一舊飯咩都唔識喇.

ISAAC仔自己飲水..

又餵比KING仔飲..

而KACY妹妹都大個左好多喇..成個美少女咁

明天我地一家就會去澳門探親拜年
亦都係ISAAC仔首次出門
所以我地已經預早執好行裝
雖然只係去2日1夜.
但都已經又拎行李喼又背囊.
連水都話要入定一大樽.
因為怕澳門食水唔岩.
ISAAC仔會水肚不服喎.
依家未去都覺得會好攰..哈哈^^

Friday, 20 January 2012

2012年廸廸尼一天遊

踏日2012年,我地一家約埋屋企人一齊去左廸士尼玩左1日.

最主要係想帶3個小朋友去玩下.

KINGSLEY幾可愛..都係周圍走..

加上ISAAC仔真係好鐘意MICKEY,
未去之前都估佢見到MICKEY有咩反應.
點知佢真係好開心.仲勁興奮
拎住幅DISNEYLAND既地圖周圍走


行行下又望下野..成個大鄉理...^O^

另外,在2011年11月18日香港DISNEYLAND開左個反斗奇兵大本營



周圍都係TOYSTORY既FIGURE公仔.抱抱龍仲會講野架.
當然唔少得同MICKEY / DONALD DUCK合照啦..

但唔明點解佢咁鐘意MICKEY,但MICKEY摸ISAAC仔,佢又驚喎...^^

玩完1日,真係成身散哂.
不過見到小朋友咁開心,
咩都值啦...hahahaha

由於當日帶住3個小朋友,我地都無玩哂d遊戲,
不過我地已買了奇妙處處通紅卡.現在只要憑當天門票$399,
補差價($251)就可以UPGRADE為奇妙處處通全年年票(紅卡).
全年的平日(星期一至星期五)及指定的3個月份(3月/5月/9月)的周末,周日可以進場免費喔.
詳情可到以下查看...奇妙處處通

Thursday, 19 January 2012

話咁快又到2012年,對上2011年12月真係超忙碌.
12月中姨甥仔開1歲生日會

之後又到冬至
今年冬至多了位新成員,
就係我位弟婦喇..
所以亞玉都煮左好多餸呀.

聖誕節緊係唔少得開PARTY 喇.
(因上年我同表妹都岩岩生完,無氣力攪PARTY,
所以停左1年).
平安夜開左大食會.
今次食物極之豐富.有牛扒,海膽,牡丹蝦,生蠔.火腿.蛋糕

除左牛扒/蛋糕外,全都是在OCEAN TREE 訂.食物來到又新鮮,又好味.
下次都會再訂.
至於聖誕節就當然在舖頭舉行啦..
當晚BBQ形式進行.
最緊張既當然係抽錢啦..
幸運地我一家3口抽中兩封.
都有$700架..HAHAHA..

Wednesday, 07 December 2011

LIZA S. 的禮物???GLAMABOX
我都收到LIZA S.的禮物了...
其實係講..11月份的GlamaBox

先來介紹GlamaBox的來頭!!

GlamaBox創辦人就是香港名模LIZA S.
由於她是一位經常穿梭各地的時裝模特兒,
而又想將所有不錯的扮靚的產品介紹比大家,
所以就成立GlamaBox.

之前有幸得到一個月免費GLAMABOX,
今天早上收到了.

桃紅盒子上印上花花圖案..

打開盒子...是1張產品說明,當然還有GlamaBox為我以設的產品 ^^
裡面有4款產品 + 1張facial coupon
先來介紹一下有那幾樣產品:

1) NEOGENCE (霓淨思)玻尿酸保濕乳液 15ML (HK$225)
2) SLEEK MAKEUP 水嫩純彩諼唇涷 10g (HK$75)
3) VOV 綠茶骨膠原面膜 10ml (HK$15)
4) CYBER COLORS 潤手霜 15ml (HK$40)
5) 純美纖體 24小時水漾ZIP UP 1000倍 + SKIN CEUTICALS 精華旅行裝 (HK$850)

單是1支產品已值回票價..何解???

因為訂購GlamaBOX只需每月HK$88
就能安坐家中或辦公室
收到GlamaBox特別為你而設的盒子.
盒子內有四至五件產品，當中包括了護膚，化妝以至一些扮靚子工具
其中有名牌子,也有一些新品牌.

另外GlamaBox有3個計劃

1)年費會員
十二個月$968（免費一個月）
110點Glama點數
可隨時轉換
2)月費會員
每月$88
10點Glama點數
可隨時取消
3)禮盒選項
十二個月$968（免費一個月）
最適合作朋友，親人或新婚的禮物
詳情可到以下網止看看喔GlamaBox

至於十二月的GlamaBox,就是GlamaBox聖誕特別版,
當中會有聖誕驚喜.快d通知朋友仔在12月18日前訂購喔.

Wednesday, 30 November 2011

Isaac仔14個月喇..依家除左識行外,
仲識好多野.有時叫佢做動作,
佢都會好明白咁做哂出來,
好似好識聽我地講野咁...好攪笑.

不過依家開始有自己脾氣,
有時一唔鐘意就會發爛渣,
加上佢仲未識講野,成日ee..呀呀..
係咁講BABY話.有時真係要估佢想要D咩.
不過我發現佢都幾識表達自己的.
因為當佢想要一樣野時,我比錯佢,佢會用隻手推開,
話比我知唔係要呢樣.但當我比岩樣野佢,
佢就會笑哂口..好可愛的.
現在真係要好似看牛牛咁睇實佢,
同佢去公園就周圍走

又喜歡周圍攪野.
無啦啦又走去拎條紗巾抹隻豬

抹完又用個咀錫隻豬

睇DISNEY(MICKEY)就最專心,好似入左電視裡面咁.

睇完又周圍攪野..成屋都係玩具..

不過睇住佢成長真的很開心喔.
最近在WORLD FAMILY FACEBOOK專頁見到有 "WORLD FAMILY/FACEBOOK
粉絲大募集",名額5個,我就參加了.
因為成功入圍有WORLD FAMILY 送出的廸士尼美語世界教材及書卷.
仲有ISAAC仔最LIKE既MICKEY & MINNIE..

估唔到我又入了圍,可以得到禮物及參加12月6日的PARTY了

Friday, 28 October 2011

Isaac仔終於都識行了, 看見他一天天進步,
做媽媽的我真是開心到不得了,
其實Isaac仔是比較膽小的,
之前每次起步行都要小心扶住物件先肯行
.現在他終於放膽了.
明天就是Isaac仔13個月大了,
亦都是舅父仔大婚日子,真是可喜可賀.

Tuesday, 25 October 2011

最近MAVIS購買慾極之旺盛,
在網上淘寶不在話下,
今次主攻無人不識的內衣店PEACH JOHN.
每次經過MAVIS都會走入去望望,
因為店鋪內的裝修,內衣,畫佈上的模特兒都很吸引我.
但我每次都運吉一輪就走出來,因為太多人了,
加上試身室大多排長龍,而MAVIS又係心急的人,
所以沒有等就走了.多可惜!!

不過今次不同了,MAVIS一定要敗回家.
原因店內的內衣真的很美,
花多眼亂下,MAVIS挑了兩套SET裝BRA BRA,
再加上UNDERWEAR.好滿足喔

先看看戰利品..

第一套薰衣草色的BRA BRA + UNDERWEAR
第二套粉紅波波點..SEXY
再加UNDERWEAR
其實我不是只敗給自己,
我都在UNIQLO買了2件睡衣給我的小寶貝ISAAC仔喔.
估不到UNIQLO BABY的衣服都不錯喔,
質地好,軟棉棉,BABY著就最舒服
長袖衫仔開冷氣睡覺都不怕冷親
小分享到此為止.其實MAVIS還有很多敗家文,
將會一一與大家分享!!謝謝
我又在淘寶淘到好物了,
事源MAVIS家裡的掛牆鐘突然從高處墮下,
粉身碎骨後,MAVIS周圍物識一個掛鐘.
有次經過銅鑼灣總統商場,
看到一個貓貓掛牆鐘,很喜歡喔,
但要3百多元,MAVIS都有意買下,
只是隨意問老闆可不可以平小小,
(其實老闆只要平小小,MAVIS一定打包回家),
可惜老闆本著你不買大把人會買的態度,
MAVIS當然不會隨便放下銀兩.
兩手空空就走了.

在公司淘寶慾念又升起了,
我又在網上尋找有沒有貓貓掛牆鐘的蹤跡,
結果,當然沒有失望,
終於給我找到你了...
銀碼只是百多元有交易,
加上運費都平過香港.

雖然網上沒有實物圖,
但MAVIS都相信淘寶店上的物品不會很差的.
二話不說都拍下了.

快遞到了,MAVIS只是訂一個掛鐘,
為什麼這麼大箱喔..
原來賣家為了安全起見,以免貨品給快遞弄壞及損耗,
都包了一重又一重的發泡膠,
在箱子上更貼上小心易碎的LABLE.
賣家的細心真的超讚耶!
打開箱子了,有看到嗎,是可愛的貓貓,
我要帶它回家了.
掛在牆上..跟我電製上的貓貓很配喔!
分享就這樣!多謝欣賞!
9月,10月都是MAVIS忙碌的日子,
公司要搬,屋企要搬,加上MAVIS小弟弟於10月尾結婚了,
真的沒時間周圍逛街買衣服.
況且,身為大姑奶的我,又不可以太失禮,
穿晚裝又好像老氣了一點,
太誇張又好像搶鏡.
之前在中環一間商店看中了一條裙子,
試在身上都很好看(在MAVIS心目中只要穿出來不肥就可以了),
當問價錢後,真的要回家想一想,敗不敗回來,
因為要千多元喔.最後MAVIS當然沒有即場買下,
只是希望會找到別間便宜一點.

開心的事就發生了,
當我在淘寶網看見這條裙子,
原來是跟我在中環看的一模一樣,
價錢只是4百多元,就想都不想拍下了.
加上看見賣家圖中的周慧敏更加激發我的購買慾.
這條裙子有兩個顏色,而MAVIS就選了黑色.
最主要原因是我在中環商店試的都是黑色喔
以下是賣家的圖片
裙子終於快遞來了,
實物跟照片一樣喔,加上質料都不錯.
黑色加上金金的線,不太誇張.喜愛喔!!!
當然不少得MAVIS親身示範,不要嚇跑....><
哈哈哈哈!

Tuesday, 18 October 2011

學行中的ISAAC仔

ISAAC仔開始學行喇.. 依家成日都扶住D野周圍走.
見到佢一日一日進步真係好開心呀. 唔知幾時先可以唔駛扶住野行呢..??

另外,好鐘意ISAAC仔既婆婆邀請我地去佢
會所度玩, ISAAC仔玩得好HAPPY呀.
今日仲比多張住户証我地,叫我地得閒自己
去會所玩..估唔到ISAAC仔咁得人歡心.

Wednesday, 12 October 2011

丹麥皮履專家ECCO IPHONE APP DOWNLOAD左未呀????

丹麥皮履專家ECCO率先推出IPHONE APP,
以”Scandinavian story”故事為主題.悠閒
而別具品味的建築風格及風景貫穿整個故事背景.
用家除了可以先睹ECCO最新秋冬系列.更有VIDEO介紹
ECCO現邀請你一同踏進這個Scandinavian story.
只須為這個北歐故事加上你的生活點滴,利用ECCO
IPHONE APP獨有的相片處理效果幻化成書中插圖,再到
ECCO專門店或專柜解碼QR CODE,打開隱藏的片段,
即可參加由Kuoni勝景遊贊助的港幣HK$10,000旅遊禮劵抽獎.

下載APP,可穫得ECCO港幣HK$100電子現金卷
除了豐富的禮劵及獎品外,ECCO IPHONE APP更設有一些
實用性與趣味性兼備的功能.

鞋碼轉換器.
有齊男仕,女仕在(歐洲,美國,加拿大,英國,日本)的尺碼.
方便買鞋時找到自己合適的尺碼
三種特色的相片處理效果.
SNOW EFFECT (雪景)

RETRO EFFECT (懷舊)

SKETCH EFFECT (素描)
另外更有QR CODE解碼器
另外APP更設有地圖,可以看到位置最近的ECCO專門店或專柜.

在APP上更可看到2011 A/W系列.

每個商品都印上價格及尺碼,一目了然.

有興趣而又想先睹ECCO最新資訊,就不要錯過喔.
http://www.facebook.com/eccoshoecompany
http://www.ecco.com/zh-HK/
LUSH 七彩繽紛的聖誕夢工廠2011

十月十日除了是雙十節外,更是LUSH製造首間聖誕夢工廠
的大喜日子.聖誕夢工廠神秘主人Billy Bonker邀請MAVIS及一眾朋友
進人奇幻的聖誕旅程.

當天舉辦的地點是THE ONE一間YOGURT店,
入口已經有打扮得色彩繽紛的小醜在迎接我們,
點名後,小醜會遞上一個抽獎箱,
箱裡放著一個個不同色的籌碼.
而MAVIS抽到的是黃色喔.
接著MAVIS就拿著籌碼走到另一處,
原來每個顏色的籌碼代表可以取走多少g的禮物
**RED CHIP=700g
**GREEN CHIP=800g
**YELLOW CHIP=1000g
MAVIS很幸福喔,竟然拿到黃色籌碼,
可以拿走1000g禮物!!!
其實LUSH很細心的,在另一個版上,
已列出每樣禮品的重量,
取禮物後放在磅上量一量1000g,
就可以全取走喔..很讚呢!!
眼前就放著整檯的禮物.
當然全都是LUSH最新及即將推出的聖誕單品
MAVIS見到色彩繽紛的聖誕單品,
都要拍張照喔..真是太興奮
其間更與龍鳳媽媽MNWL合照
除了取禮物的環節外,
MAVIS更走出户外,因為要深入聖誕夢工廠的
三間秘密房間.包括(粉紅魔法村/黃金夢花園/藍極太空艙)
而且更與聖誕夢工廠秘密主人Billy Bonker合照
全身粉紅的主人很友善,還特別介紹MAVIS要試試YOGURT.
在每個秘密房間都擺上各樣的聖誕單品及禮盒,
更有工作人員講解.
其間更有遊戲玩,MR & MRS BILLY BONKER抽出3位幸福兒
另一邊可以整BATH BALLISTICS
整完BATH BALLISTICS成手香噴噴
最後當然是品嚐不同味道的YOGURT
活動完結,看看我的禮物
回家後,我發現LUSH更送上每人一張50%的折扣COUPON.
今個聖誕可以把我心愛的禮物帶回家喔.

有興趣可以到以下網址及FACBOOK觀看最新的聖誕禮物單品
WEBSITE: www.lush.com.hk
FACEBOOK: www.facebook.com/LushHongKong

Friday, 07 October 2011

9月真的很忙,又搬公司,又搬屋
未搬前..成間公司亂哂

屋企就更加亂...><

樣樣都好似迫哂埋身.終於兩樣都安頓好,
現在新公司地方雖然比舊公司時細左小小,
但都不錯喔..我一個人有3張檯,現在上網,做文件
都可以在同一個位做,不用走來走去.

至於屋企,我已經搬左去跟亞玉住.都不錯喔.
ISAAC仔同我都岩岩過完生日.
幾廿人同ISAAC仔預祝生日,當唱生日歌時仲勁開心.
究竟1歲既BABY識唔識呢?但佢真係好似好開心喎.

正日就只係屋企人慶祝,
蛋糕係打完風先有得去拎..

生日會後..ISAAC仔好多禮物/利是呀..下年都係唔好收..
太多玩具..無位擺..
至於我..提早有班好朋友同我食飯慶祝.
今次去左九龍城食意大利野..

我的幾位BEST FRIEND..其中CHU CHU就生BABY喇..
希望佢順順利利..生個健康又可愛又靚既BABY比我玩.^O^

至於正日..有表妹請我食大閘蟹..
食大閘蟹當蛋糕..好HAPPY呀..
仲有老公仔同我上山頂食DINNER...

仲送左個極名貴既銀包比我..THANKS^^

今年生日有ISAAC仔/有老公仔..好幸福喔!!

Sunday, 04 September 2011

最近ATV有個節目,
叫做香港有飯開,
今集就介紹香港肥童的現象,
而ISAAC仔就成為左被人偷拍既對象.
其實唔係話ISAAC仔肥童,
只係咁岩被人發現佢當時食緊奶奶..貼題卦...
本來我地都唔知ISAAC上左電視,是亞姨睇完話比我地知
而好彩ATV成日都將D節目重播又重播,所以我地可以錄低.
以下就係香港有飯開既其中一節.
落足眼力睇下邊個係ISAAC仔...
9月了,月尾ISAAC仔就1歲..
點解時間突然快左咁多既..
ISAAC在10個月既時侯終於都出左牙仔了,
出左牙既ISAAC仔....笑起上好攪野...

佢真係一個開心BABY來..最近成日都搗蛋...

叫佢唔好既都專登做..簡直挑戰我既EQ....><
依家佢會扶住周圍行...可能好快就識行了..

月尾就要搬去同婆婆一起住了..
唔知ISAAC仔慣唔慣呢?